Yn y wefan hon byddwch chi’n gallu cael blas ar gasgliad o wybodaeth ac enghreifftiau fydd yn eich cynorthwyo i gychwyn y gwaith o feithrin sgiliau, mwynhad a brwdfrydedd eich dysgwyr tuag at yr iaith Gymraeg yn unol â gofynion Llywodraeth Cymru. Mae’r wefan wedi ei chreu yn benodol gan arbenigwyr ym maes cefnogi iaith y rhanbarthau ag Awdurdodau Lleol a chan arbenigwyr addysgeg o sefydliadau addysg uwch sy'n darparu'r Cynllun Sabothol Cymraeg, i gynorthwyo ymarferwyr y sector cyfrwng Saesneg.
Does dim ots faint o Gymraeg sydd gyda chi – byddwch chi’n gallu canfod syniadau, enghreiffiau o gemau ac offer datblygu i’ch helpu i ysbrydoli eich dysgwyr ac integreiddio’r Gymraeg i’ch amgylcheddau dysgu mewn ffyrdd ystyrlon a chyson. Mae'r gwaith yn cwmpasu'r daith o 3 i 16 gyda rhai enghreifftiau penodol ar gyfer yr uwchradd ond hefyd yn addas ar gyfer y cynradd.
Er mwyn gweithredu'n gwbl effeithiol fel ymarferwyr, mae darpariaeth gweithlu addysg Dysgu Cymraeg sy'n cynnwys y Cynllun Sabothol Cenedlaethol yn cynnig cyfle i ddatblygu'r sgiliau hyn ymhellach.
Y Cyd-destun Cenedlaethol
Mae llawer o ddatblygiadau cenedlaethol dros y blynyddoedd diwethaf wedi llywio’r daith at y sefyllfa bresennol. Yma ceir llinell amser sy’n dangos y prif ddigwyddiadau sydd wedi bod ar hyd y daith hyd yn hyn.
Y Continwwm Patrymau Iaith
Yma ceir:
- Diffiniad o’r Continwwm patrymau iaith
- Cynnydd ieithyddol ar draws continwwm patrymau iaith
- Cyngor ar sut i ddefnyddio’ch continwwm patrymau iaith
- Camau cynllunio ar gyfer ei weithredu yn eich dosbarth
Egwyddorion Cynllunio Cwricwlwm i Gymru
- Datblygu’r Gymraeg yn y Cwricwlwm i Gymru
- Iaith, Llafaredd a Chyfathrebu: Canllawiau Cymraeg mewn addysg cyfrwng Saesneg
- Cynllunio effeithiol
Datblygu Sgiliau Siarad a Gwrando
Yma, ceir blas ar sut i gynllunio llwybrau pwrpasol i ddysgwyr ddatblygu eu sgiliau llafaredd Cymraeg. Mae’r strwythur yn dilyn 4 prif gam er mwyn meithrin siaradwyr annibynnol.
Ydych chi eisiau datblygu eich sgiliau yn y maes hwn ymhellach?
Mae'r wefan hon yn rhoi blas i chi ar egwyddorion cyflwyno'r Gymraeg yn y sector cyfrwng Saesneg, ond os ydych chi eisiau datblygu eich sgiliau Cymraeg eich hunan neu eich gallu i gyflwyno'r Gymraeg i ddysgwyr ymhellach, cysylltwch â'ch Swyddog perthnasol yn eich consortia/AALl, neu ewch i wefan Dysgu Cymraeg i weld darpariaeth y gweithlu addysg.
