Cam 2 - Ymarfer Strwythuredig

Ar ôl drilio patrwm a/neu eirfa (Cam 1), gall y dysgwyr symud ymlaen i ymarfer defnyddio'r patrwm trwy weithgareddau strwythuredig pwrpasol. I gychwyn, bydd angen i'r dysgwyr gwblhau'r gweithgareddau hyn gyda chefnogaeth o ryw fath. Yn aml byddwn ni'n cyfeirio at y gefnogaeth hon fel 'sgaffaldiau'. Gall y cymorth hwn fod ar amryiwaeth o ffurfiau fel byddwch chi'n gweld yn yr adran hon, er enghraifft, adnodd y gall disgybl ddefnyddio yn annibynnol neu gymorth gan ymarferydd neu gyfoedion.

Wrth i ddysgwr ddatblygu drwy'r camau nesaf (2 a 3), gallwn leihau lefel y cymorth a gynigir, wrth i'r dysgwr weithio tuag at feithrin hyder ac annibynniaeth i ddefnyddio'r iaith yn eu bywyd bob dydd (cam 4).

Bydd angen sicrhau amrywiaeth o gyfleoedd a gweithgareddau ar y cam hwn er mwyn mewnoli'r patrymau, cyn gallu symud at y Cam nesaf yn llwyddiannus.

cam-2-matiau-iaith-compressed

Matiau Iaith

Un ffordd o roi cymorth i ddysgwyr ydy defnyddio matiau iaith. Dyma ganllaw ymarferol ar gynllunio a pharatoi matiau iaith ar gyfer gweithgareddau llafaredd.

Gweler y canllaw

cam-2-cardiau-clonc-compressed

Cerdyn Clonc

Mae 'Cerdyn Clonc' yn enghraifft o fat iaith ymestynnol sydd yn rhoi ymarfer strwythuredig i ymestyn iaith mewn cyd-destun penodol, megis gwyliau. Mae'n tywys y dysgwyr ar hyd cyfres o gwestiynau ac atebion sy'n galluogi iddynt gynnal sgwrs gyda manylion perthnasol. Bydd yr elfennau yma, wrth gwrs, wedi cael eu drilio a'u hymarfer cyn iddynt gael cyfle i ddefnyddio'r 'Cerdyn Clonc'.

Lawrlwytho Cam 2 Cerdyn Clonc Gwyliau Past tense.pdf

Adeiladwyr Brawddegau fel Sgaffaldiau

Mae’r fideo hwn yn rhoi cyflwyniad i Adeiladwyr Brawddegau: beth ydyn nhw, a sut y gallwch eu defnyddio fel arf i gefnogi addysgu a dysgu Cymraeg.

Math o fat iaith sy'n arddangos patrymau iaith a geirfa mewn ffordd resymegol a hygyrch yw Adeiladwyr Brawddegau. Gallwch eu defnyddio fel sgaffaldiau ar gyfer llawer o'r gweithgareddau a welwch yn yr adran hon.

Cam%202%20Uwchradd-compressed

Ymarfer Strwythuredig: Uwchradd

Dyma enghraifft o sut dylid cynllunio ymarfer stwythuredig o fewn y thema Dathlu. Cafodd yr adnodd ei greu ar gyfer yr uwchradd ond mae'n addas ar gyfer cynllunio gweithgareddau i ddysgwyr cynradd. Nid casgliad o adnoddau sydd yma ond templed ar gyfer cynllunio amrywiol gyfleoedd ar gyfer ymarfer strwythuredig.

Lawrlwytho Cam 2 Uwchradd.pptx

Ydych chi eisiau datblygu eich sgiliau yn y maes hwn ymhellach?

Mae'r wefan hon yn rhoi blas i chi ar egwyddorion cyflwyno'r Gymraeg yn y sector cyfrwng Saesneg, ond os ydych chi eisiau datblygu eich sgiliau Cymraeg eich hunan neu eich gallu i gyflwyno'r Gymraeg i ddysgwyr ymhellach, cysylltwch â'ch Swyddog perthnasol yn eich consortia/AALl, neu ewch i wefan Dysgu Cymraeg.

cam-datblygu-3

SYMUD I'R CAM NESAF

CAM 3 DEFNYDDIO A CHYNHYRCHU

Cyfleoedd pwrpasol i'r dysgwyr ymarfer defnyddio'r patrymau maen nhw wedi eu dysgu. Mae'n bwysig eu bod nhw wedi gwneud Cam 1 a 2 gyda'r patrymau cyn gallu cyflawni gweithgareddau Cam 3 yn llwyddiannus.

Symud Ymlaen