Cam 3 - Defnyddio a Chynhyrchu
Egwyddorion Cynllunio Gweithgareddau i Ddefnyddio Iaith
Mae'r ffilm hon yn Saesneg yn unig, ac yn awgrymu rhai pethau i chi ystyried wrth i gynllunio gweithgareddau i ddefnyddio patrymau iaith. Crewyd y ffilm ar gyfer ymarferwyr sydd wedi mynychu'r Cwrs Sabothol Cenedlaethol.
Casgliad o Weithgareddau Defnyddio a Chynhyrchu
Mae amrywiaeth o weithgareddau strwythuredig gallwch eu defnyddio yn eich dosbarth fel bod eich dysgwyr yn defnyddio a chynhyrchu'r iaith. Yn y Pwerbwynt yma, fe welwch gasgliad o weithgareddau a'u cyfarwyddiadau.
Gêm 'Darllen fy Meddwl'
Mae'r ffilm hon yn dangos Miss Jazz Langdon o Ysgol Tafarnsbeit yn chwarae'r gêm 'Darllen fy Meddwl' gyda phlant Blwyddyn 3. Daw'r gweithgaredd hwn o gam Modelu a Chodi Ymwybyddiaeth dilyniant MARSEARS. Yn y gêm hon, caiff brawddegau gan y lluniwr brawddegau eu dangos ar y sgrin. Mae'r athrawes yn dewis brawddeg ac yn ei hysgrifennu'n gyfrinachol ar fwrdd gwyn neu nodyn post-it. Bydd y disgyblion yn cymryd eu tro i ddyfalu'r frawddeg sydd wedi'i hysgrifennu.
Gêm 'Dwyn y Frawddeg'
Mae ffilm hon yn dangos Miss Jazz Langdon o Ysgol Tafarnspite yn chwarae'r gêm 'Dwyn y Frawddeg' gyda phlant Blwyddyn 3. Daw'r gweithgaredd hwn o gam Modelu a Chodi Ymwybyddiaeth dilyniant MARSEARS. Caiff brawddegau a ddewiswyd gan y lluniwr brawddegau eu dangos ar y sgrin. Mae gan bob dysgwr 2 neu 3 darn o bapur/nodiadau post-it ac maen nhw'n ysgrifennu brawddegau o blith y rhestr (sef brawddeg wahanol ar gyfer pob darn o bapur/nodyn post-it), gan eu cuddio rhag pawb arall. Mae'r disgyblion yn mynd o gwmpas y dosbarth gan ddarllen brawddeg o'r sgrîn i gyd-ddisgybl. Os oes gan y disgybl arall y frawddeg honno ar un o'i nodiadau post-it, rhaid iddo drosglwyddo'r cerdyn (h.y. mae'r frawddeg yn cael ei 'dwyn'). Er mwyn penderfynu pwy sy'n darllen brawddeg yn gyntaf, mae'r disgyblion yn chwarae 'carreg', 'papur', 'siswrn'.
Gêm 'Rownd y Byd'
Mae gêm 'Rownd y Byd' yn weithgaredd iaith sy'n galluogi ymarfer geirfa neu batrymau iaith drwy adalw gwybodaeth a throsglwyddo o un iaith i iaith arall (cyfieithu). Mae'r fideo o Ysgol Bryn Coch yn deillio yn wreiddiol o becyn CBAC 'Codi Lefel 3 i 4'. Mae'r newidiadau Cwricwlwm i Gymru yn golygu nad yw defnyddio lefelau yn briodol bellach, ond mae'r addysgeg a enghreifftir yn y fideo yn gyfredol a phriodol o hyd.
Gêm 'Zap!'
Mae'r gêm 'Zap!' yn weithgaredd sy'n annog ymestyn iaith mewn modd hwyliog . Mae'r fideo o Ysgol Rogiet yn deillio yn wreiddiol o becyn CBAC 'Codi Lefel 3 i 4'. Mae'r newidiadau Cwricwlwm i Gymru yn golygu nad yw defnyddio lefelau yn briodol bellach, ond mae'r addysgeg a enghreifftir yn y fideo yn gyfredol a phriodol o hyd.
E-bortffolio
Mae'r e-Bortffolio, a gynhelir ar Google Sites yn record bersonol ar gyfer pob dysgwr ac yn storfa gynhwysfawr o'u tasgau llafaredd. Mae dysgwyr yn uwchlwytho eu gwaith llafar i un o'r swyddogaethau cyfathrebol o'r Continwwm Iaith. Maent yna'n hunanfyfyrio, gyda chefnogaeth y Cerrig Milltir Llafaredd, i asesu a gwella eu gwaith. Mae'r broses barhaus hon o lanlwytho tasgau o fewn swyddogaethau cyfathrebol yn creu cofnod parhaus ac yn arddangos cynnydd o fewn pob swyddogaeth. Mae'r eBortffolio hefyd yn arf pontio gwerthfawr, sy'n cynorthwyo dysgwyr wrth iddynt symud ymlaen i'r cyfnod uwchradd.
Defnyddio a Chynhyrchu yn yr Awyr Agored
Mae defnyddio'r ardal awyr agored yn cynnig llawer o fanteision i ddysgu. Mae mwynhad dysgwyr yn amlwg gan eu bod yn aml eisiau ailadrodd profiadau ac yn awyddus i gymryd rhan yn wirfoddol yn eu hamser rhydd.
Trwy gyflwyno'r dysgwyr i weithgareddau lle mae patrymau iaith yn cael eu hailadrodd trwy ystod o weithgareddau hwyliog, mae eu dealltwriaeth yn dyfnhau ac yn aml mae eu hyder yn cynyddu ac yn cyfrannu at eu defnydd o'r Gymraeg mewn sefyllfaoedd anffurfiol.
Defnyddio a Chynhyrchu: Uwchradd
Dyma enghraifft o sut dylid cynllunio cyfleoedd i ddefnyddio a chynhyrchu o fewn y thema Dathlu. Mae'r adnodd wedi creu ar gyfer yr uwchradd ond yn addas ar gyfer cynllunio gweithgareddau i ddysgwyr cynradd. Nid casgliad o adnoddau sydd yma ond templad ar gyfer cynllunio gweithgareddau i ddefnyddio a chynhyrchu.
Ydych chi eisiau datblygu eich sgiliau yn y maes hwn ymhellach?
Mae'r wefan hon yn rhoi blas i chi ar egwyddorion cyflwyno'r Gymraeg yn y sector cyfrwng Saesneg, ond os ydych chi eisiau datblygu eich sgiliau Cymraeg eich hunan neu eich gallu i gyflwyno'r Gymraeg i ddysgwyr ymhellach, cysylltwch â'ch Swyddog perthnasol yn eich consortia/AALl, neu ewch i wefan Dysgu Cymraeg.
SYMUD I'R CAM NESAF
CAM 4 - DEFNYDDIO'R IAITH YN DDIGYMELL
Cyfle i'r dysgwyr ddefnyddio'r iaith yn ddigymell.
